Við bjóðum upp á fjölbreytt námskeið í netöryggi: eitt fyrir almenning sem við köllum ,,Netöryggisvitund“, og annað fyrir upplýsingatæknifólk, og stjórnendur fyrirtækja. Öll námskeiðin er hægt að halda sem óformlega hádegisfyrirlestra. Hér eru nánari upplýsingar um hvert og eitt námskeið:

Netöryggisvitund

Þetta námskeið er á mannamáli og er sérstaklega hannað fyrir almenning, hvort sem fólk er á vinnumarkaði eða ekki. Fólk þarf ekki á neinni sértakri tölukunnáttu að halda til þess að mæta. Námskeiðinu fylgir vottorð um þátttöku. Þetta er frábær kostur til að uppfylla kröfur fyrirtækisins þíns um vitundarvakningu í netöryggi, líkt og NIS2 og aðrar reglugerðir kveða á um, ásamt vottunum á borð við ISO 27001.

Fyrir fyrirtækja- eða hópaþjálfun getum við boðið upp á tvö snið: styttri kynningu sem leggur áherslu á grunnatriðin á yfirborðskenndari hátt, eða lengri kynningu sem kafar dýpra í smáatriðin og inniheldur umfangsmeira viðfangsefni. Styttri útgáfan passar vel sem hádegisfyrirlestur þar sem hún er innan við 60 mínútur, að meðtöldum spurningum og svörum. Lengri útgáfan er rúmlega tveir tímar, eftir því hversu virkur hópurinn er.

Viðfangsefni

Við munum ræða og skilgreina eftirfarandi viðfangsefni.

Af hverju fullkomið öryggi er ekki til
Umsjón með lykilorðum
MFA og Passkey
Gagnrýnin hugsun
Tenglar, viðhengi, USB-lyklar
Félagslegar tælingar
Svik, svindl, brögð, klækir og annað svínerí
Hræðsluáróður (e. FUD)
Áhættur og ógnargreining
Varnir gegn ógnum
Stafrænt fótspor og hvernig er hægt lágmarka það
Almenn ráð og brellur varðandi persónuvernd á netinu.
Falsfréttir og annað falskt efni
Hættur sem tengjast smáforritum
Persónuverndarhættur af völdum gervigreindarspjallmenna

Verð og dagskrá

Til að finna næstu dagsetningar, vinsamlegast skoðaðu námskeiðin okkar.

Fyrir fyrirtæki, stofnanir og hópa sem útvega aðstöðu til þjálfunar og sjá um skráningu þátttakenda og þess háttar, rukkum við 50.000 kr. auk vsk. fyrir styttra sniðið og 90.000 kr. auk vsk. fyrir það lengra. Við mætum og sjáum um þjálfunina, þið sjáið um afganginn. Ef þú ert fyrir utan höfuðborgarsvæðið, heyrðu í okkur í sambandi við ferðakostnað.

Til að bóka styttri grunnþjálfun, smellið hér, og fyrir ítarlegri útgáfuna, smellið hér.

Þjálfun í stjórnun veikleika (Vulnerability Management)

Þetta er fyrir upplýsingatæknifólk og stjórnendur sem leita eftir þjálfun í að setja upp netöryggisáætlanir innan sinna fyrirtækja eða vilja styrkja þær sem fyrir eru. Við skoðum viðfangsefnið á nógu djúpan og ítarlegan hátt svo þú hafir skýra yfirsýn og vitir hvað þarf að leggja áherslu á. Þessi þjálfun varir venjulega í 60-90 mínútur, eftir virkni nemenda, sem gerir hana fullkomna sem lengri hádegisfyrirlestur. Við getum líka stytt hana lítillega til að hún passi innan 60 mínútna hádegishlés.

Ef við þurfum að kafa dýpra í einhver atriði, vinsamlegast láttu okkur vita, þar sem við viljum gjarnan fá endurgjöf um hvaða aðra þjálfun við ættum að bjóða upp á.

Í ljósi þess á hve háu stigi þetta námskeið er hentar það einnig vel fyrir stjórnendur og yfirmenn sem vilja öðlast dýpri skilning á netöryggi, mikilvægi þess og hverju þeir geta vænst af netöryggisáætlunum.

Viðfangsefni

Í þessum hluta munum við fjalla um og skilgreina eftirfarandi efni

Hvað er stjórnun veikleika og hvers vegna er hún mikilvæg
Hvernig seturðu upp áætlun um stjórnun veikleika? Hverjir eru íhlutirnir?
Netglæpir og eðli þeirra.
Flokkun gagna
Opinberar kröfur, þar á meðal NIS, NIS2 og DORA. Hverjir falla undir hvaða tilskipun og hverjar eru kröfurnar
Hverjir eru CERT-is og hvernig tengjast þeir þessu öllu?

Verð og dagskrá

Vinsamlegast hafið samband til að bóka okkur fyrir þjálfun hjá þínu fyrirtæki. Við rukkum 50.000 kr. auk vsk. fyrir þetta. Ef þið eruð utan höfuðborgarsvæðisins bætist við ferðakostnaður.