Við bjóðum upp á mismunandi námskeið í netöryggi. Eitt fyrir almenna borgara og eitt fyrir upplýsingatæknistarfsfólk, framkvæmdastjóra og aðra yfirstjórnendur. Sum af þeim er notað sem fróðlega fyrirlestur á hádegisfundi. Hér fyrir neðan eru upplýsingar um hvert námskeið.
Námskeið í Netöryggisvitund
Þetta námskeið er hannað fyrir alla sem nota tölvur eða snjalltæki í sínu daglega lífi. Námskeiðið er kennt á mannamáli og engin krafa er um neina sérstaka tölvukunnáttu. Að námskeiðinu loknu færð þú útgefið vottorð um að þú hafir klárað námskeiðið. Sjálft efnið er tveir tímar en heildarlengd námskeiðsins fer eftir því hvað mikil umræða myndast um efnið. Við elskum virka þátttöku og því fleiri spurningar því betra.
Við leggjum mikla áherslu á að kenna fólki að taka ákvarðanir sem eru góðar fyrir það og að það séu allir með mismunandi öryggiskröfur sem þarf að taka tillit til. Við erum mjög á móti því að kenna fólki að taka ákvarðanir sem virka fyrir mig þar sem að ég er með öðruvísi öryggiskröfur. Með öðrum orðum, við kennum fólki hvernig það tekur ákvarðanir fyrir sig, ekki hvaða ákvörðun þau eiga að taka. Á námskeiðinu förum við yfir hvers vegna þetta er mikilvægt og hvernig þetta eykur öryggið þitt.
Þetta er frábært námskeið fyrir alla sem vilja auka netöryggisvitund, hvort sem þeir eru á vinnumarkaðinum eða ekki. Þetta er sérstaklega heppilegt fyrir starfsmenn fyrirtækja sem þurfa að sýna fram á tölvuöryggisnámskeið sem hluta af kröfum frá NIS2 eða öðrum reglugerðum sem og ISO 27001 kröfum.
Fyrir fyrirtæki, félagasamtök og aðra hópa getum við mætt á staðinn og er hægt að gera þetta tvenns konar. Annars vegar styttri útgáfa sem hentar vel fyrir hádegisfundi, 45 mín fyrirlestur um helstu grunnatriði og 15 mín spurningar og spjall. Hins vegar sem ítarlegri og lengri námskeið þar sem kafað er dýpra inn í grunnatriði og nokkur fleiri atriði, eins og persónuverndarmál, bætt inn. Þessi lengri eru í kringum tveir tímar eftir því sem mikil umræða og spurningar koma upp. Við tökum yfirleitt um þrjá tíma frá fyrir lengri formatið en höfum aldrei verið það lengi.
Dagskrá námskeiðsins
Námskeiðinu er skipt í tvo hluta. Í fyrri hluta námskeiðsins förum við yfir grunnatriðin í netöryggi. Svo er stutt hlé áður en við förum í seinni hlutann. Þar förum við yfir aðeins flóknari atriði netöryggis og þína persónuvernd á netinu.
Fyrri hluti – Grunnatriðin
Í þessum hluta verður fjallað um og skilgreint eftirfarandi efni:
- Stjórnun lykilorða, góð lykilorð og fleira
- Margþátta auðkenning (multi-factor-authentication eða MFA)
- Gagnrýnin hugsun
- Tenglar, viðhengi, USB diskar
- Svindl, blekkingar, svik, og annað svínarí
- Ótti, óvissa, efi (fear, uncertainty, doubt eða FUD)
Seinni hluti – Flóknari atriði og Persónuvernd
Hér förum við inní aðeins flóknari atriði og persónuverndarmál.
- Áhættu- og ógnargreining
- Áhættuvarnir
- Hvaða fótspor við skiljum eftir á netinu og hvernig menn lágmarka þau
- Góð ráð þegar kemur að persónuverndarmálum
Verð og bókanir
Við bjóðum reglulega upp á þetta námskeið fyrir einstaklinga en við bjóðum einnig upp á að koma í fyrirtæki, stofnanir og félagasamtök til að halda þessi námskeið fyrir starfsmannahópa, til dæmis fyrirlestur á hádegisfundi. Fyrir fyrirtæki og aðra hópa sem sjá um skráningu á viðburðinn, eru fundarsalur og annað slíkt svo að við þurfum bara að mæta og kenna rukkum við 50.000 kr. plús vsk. fyrir styttra formatið og 90.000 kr. plús vsk. fyrir lengra. Ef þið eruð fyrir utan höfuðborgarsvæðið þá kemur ferðagjald ofan á þetta.
Þú getur bókað styttra námskeiðið hér og lengra námskeiðið hér.
Fyrir námskeið fyrir einstaklinga biðjum við þig um að hafa samband til að spyrjast fyrir um næsta námskeið.
Námskeið í veikleikastjórnun
Þetta námskeið er fyrir starfsfólk í upplýsingatækni og stjórnendum sem leitast eftir þekkingu í veikleikastjórnun og öðrum fyrirbyggjandi netöryggismálum. Efni er skoðað nógu ítarlega til að hafa góða yfirsýn og vita hvað þarf að leggja áherslu á og hvað þarf að skoða nánar. Í oðrum orðum þá er þetta gott yfirlyt. Ekki má búast við að vera sérfræðingur á öllum þessum sviðum eftir þetta stutta námskeið. Við viljum gjarnan fá ábendingar um hvaða önnur námskeið við ættum að bjóða upp á til að efla þekkingu á ákveðnum sviðum. Þetta námskeið er um 60-90 mínútur eftir því hvað mikil umræða skapast.
Dagskrá námskeiðsins
Við munum fara yfir eftirfarandi efni í þessu námskeiði
- Hvað er veikleikastjórnun og hvers vegna er hún mikilvæg? Við munum fara yfir hvernig þetta er meira en bara að stjórna veikleikum.
- Hvað fer í gott veikleikastjórnunarkerfi og hvernig setur maður það upp með viðeigandi starfsferlum
- Netglæpir og eðli þeirra
- Flokkun gagna: Það er mikilvægt að flokka öll gögn fyrirtækisins og hafa þau vel merkt fyrir hversu viðkvæm þau eru..
- Lagalegar kröfur og reglugerðir svo sem NIS2. Hver fellur undir hvað og hverjar eru kröfurnar
- Hvað er CERT-is og hvernig koma þeir að málinu
Verð
Hafðu samband til að spyrjast fyrir um þetta námskeið.
Hópar
Við bjóðum reglulega upp á þetta námskeið fyrir einstaklinga en við bjóðum einnig upp á að koma í fyrirtæki, stofnanir og félagasamtök til að halda þessi námskeið fyrir starfsmannahópa, til dæmis fyrirlestur á hádegisfundi. Hafðu samband til að bóka okkur á ykkar fund eða viðburð. Þar sem að þið sjáið um allt nema kensluna þá rukkum við bara 50.000 kr plús vsk fyrir að koma og gefa þetta námskeið á hofuðborgarsvæðinu.
